- Un quruq elangan bo’lishi kerak.
- Suyuqlik- sut, qatiq yoki suv. Qatiq solib qorilgan xamir yaxshi va tez oshadi. Xamir suyuq bo’lib qolmasligi uchun ozgina tuz solinadi.
- Shakar- xamir qorishda mayda shakar ishlatiladi. Qand yoki yirik shakarni ishlatishdan oldin eritiladi. Ortiqcha shakar solingan xamir og’r bo’lib, oshishi qiyinlashadi va pishishiga yaqin yoyilib ketadi.
- Tuxum- sarig’i xamirni yaxshi oshirib, og’rlashtiradi. Tuxum o’rnida tuxum kukuni ishlatish ham mumkin (1dona tuxumga 1-osh qoshiq tuxum kukuni bilan 3 osh qoshiq suv to’g’ri keladi)
- Yog’, sariyog’, margarin, o’simlik, hayvon yog’lari- qo’shilgan xamir yumshoq bo’ladi. Ortiqcha yog’ qoshilsa ham xamirning oshishi qiyinlashadi.
- Opara. Iliq suv(yaxshisi sut)ga 1 choy qoshiq drojja va 1 osh qoshiq shakar qo’shilib, yaxshilab aralashtiriladi, so’ng unsolib, qaymoq holiga kelguncha aralashtiriladi. Tayyor bo’lgan eritma oshishi uchun bir oz vaqt olib qo’yiladi. Bu masalliq xamirni yaxshi oshiradi.
- Tuz. Tuzni xamir qoriladigan suyuqlikda eritish tavsiya etilmaydi. Shuningdek, tuzni oparga ham qo’shish mumkin emas. 1 kg un yoki 0,5 l suvga 10 g, o’tkirroq maxsulot uchun 20 g tuz solinadi. Chunki tuz oshish jarayoniga salbiy tasir ko’rsatadi.
- Oshirma xamir. 1 kg unga 30-60 g drojja solinadi. Drojja albatta iliq suv yoki sutga eritiladi. Xamir elangan undan qoriladi. Xamir tayyor bo’lgach, uning ustiga ozgina un sepib, qalin sochiqqa o’rab, iliq qoyga olb qo’yiladi. Xamir 2-3 soat o’tgach, mushtlab pishitiladi va yana o’rab qo’yiladi. Pishirishdan avval xamirning ustiga tuxum sarig’i, sut bilan qahva, sut bilan shakar yoki tuxum oqi bilan suv aralashmasi surilsa, xamir qizarib pishadi.
- Uvalanadigan xamir. Uvalanadigan xamirni tayyorlash uchun 3 stakan un, 1 stakan shakar, 300 gr sariyog’ yoki margarin, 2 ta tuxum kerak bo’ladi. Bunda eng avvalo sariyog yoki margarin, shakar va tuxum tog’orada yaxshilab aralashtiriladi. So’ngra un qo’shib, xamir qoriladi. 3-5 daqiqa tingandan keyin xamir muzlatgichga yarim soat turishi kerak. Xamir muzxonadan olingandan so’ng yupqa qilib yoyiladi. Aks holda yaxshi pishmaydi. Bu xamirdan turli shakldagi pechene, pirojniy, tortlar pishirish mumkin.
- Uvalanadigan xamirdan tort. Bu tortni tayyorlash uchun yuqorida ko’rsatilgan tartibda xamir qoriladi. Xamir uch zuvalaga bo’linadi. Hammasi bir xil shaklda va bir xil o’lchamda yoyiladi. Alohida-alohida pishirib olinadi. Yoyilmaning chetidan ortib qolgan xamir ham pishiriladi, uqalanib maydalanadi va tortning yonlariga urvog’i sepiladi.
Pishirilgan yoymalar sovugandan keyin orasiga krem yog’i, quyuq murabbo yoki povidlo surtib, bir-biriga yopishtiriladi. Tortning usti krem bilan bezatiladi, qand upasi sepiladi. Tayyor bo’lgan tort 4-5 soatdan keyin dasturxonga tortiladi.
