KERAKLI MAXSULOTLAR:
Kurassan xamiri uchun:
- 500 g oq un (urvoqdan boshqa)
- 140 g suv
- 140 g sut
- 55 g shakar
- 40 g yumshoq sariyog’
- 11 g xamirturish
- 12 g tuz
Xamir ichiga:
- 280 g sovuq sariyog’
- Yuziga surtish uchun:
- 1 dona tuxum
- 1 choy qoshiq suv
Birinchi kun.
Xamirni tayyorlash jarayoni.
Maxslotlar solib, 3 daqiqa tezligida xamir qoriladi, siliq ko’rinishda ishlov berib, aylana katta bo’lmagan zuvala qilinadi. So’ng idishga qo’yib, ustini selafan bilan yopib, bir kecha sovutgishga qo’yiladi.
Muzdek sariyog’ni bo’laklarga kesib, pishiriq qog’ozining ustiga bo’lak sariyog’ to’rtburchak shaklida qo’yiladi va sariyog’ning ustigan yana pishiriq qog’ozi qo’yiladi . Sariyog’ni 17 sm x 17 sm bo’lgan kvadrat shaklida o’qlov yordamida yoyiladi. So’ng qog’oz bilan o’rab, sovutgichga qo’yiladi.
Ikkinchi kun.
Yog’lash jarayoni (qatlama xamir).
Muxim: Xamir yoyib qatlama qilish jarayonida, xamir ichidagi sariyog’ erib ketmasligi kerak. Shuning uchun qatlama qilish jarayoni tezroq bajarish kerak bo’ladi. Xamir yoyib qatlash jarayoni 4-5 daqiqadan o’tib ketmasin. Agar 4-5 daqiqada ylgurmasaiz, xamir yana 20 daqiqa sovutgichga dam beriladi. So’ng jarayon davom ettiriladi.
Sovutgichdan xamir olinadi. Xamirga ozroq un sepib, o’qlov yordamida 26 sm x 26 sm to’rtburchak qilib, yoyiladi. Sovutgichdan sariyog’ni olib, xamir ustiga qo’yiladi.To’rta uchlari o’rtaga keltirib. konvert shaklida keltiriladi, qo’l yordamida sekin bosib chiqiladi. Xamir uchlari yopishtiriladi yog chiqib ketmasligi uchun.
Xamirga kamroq un sepib, jo’va yordamida o’rtasidan chetlari tomon yurg’iziladi. Xamir ikki tomonidan ham yoyiladi. Xamir to’rtburchak 20 x 60 sm shakilda yoyiladi. Yoyilgan xamir uzunligi bo’ylab uchga buklanadi. Xamir selofanga o’rab 30 daqiqa sovutgichga qo’yiladi. Shu jarayon 3 marta takrorlanadi. Xar bir qatlangandan keyin 30 daqiqa sovutgichga qo’yiladi. Ikkinchi-uchinchi yoyish jarayonlarda 20 sm li tomoni yoyib 60 sm qilinadi. Yani xar bir buklash jarayonida xamirning kalta va uzun tomonlari o’zgaradi. Uchinchi jarayondan keyin, 3 kun muzlatgichga saqlanadi.
Uchinchi kun.
Xamirni kesish jarayoni.
Xamirni sovutgichdan olib extiyotkorlik bilan 20 X 110 sm yoyiladi. Agar xamir yaxshi yoyilmasa yoyaman dek 2 kunlik mexnatni kuydirmang. 10-20 daqiqa sovutgichga damga qo’ying va yana davom eting.
Xamir kerakli uzunlikga yoyilgandan keyin. Xamir stoldan olib qaytib qo’yiladi o’z holiga kelishi uchun kesgandan so’ng qisqarmaydi.
Uzunligi 20 X 100 sm xamirdan, 12.5 X 20 sm to’rtburchaklar kesiladi. Song to’rt burchakni yuqoridagi chap ugoldan pastdagi o’ng ugolga kesib chiqiladi. 16 dona uchburchaklar hosil buladi, uchburchaklar extiyotkorlik bilan cho’ziladi.
Pishirish jarayoni:
Keng tomonidan uchli tomoniga tomon zich qilib o’raladi. Idishga bitta tuxum chaqib bir choy qoshiq suv solib bir xil massa hosil bolguncha aralashtiriladi. Kurasanlar duxovka listiga terib, tuxum sarig’i surtiladi.